القائمة الرئيسية

الصفحات

بسم الله الرحمن الرحيم,,,

نبذة عن تاريخ مصر

سنتحدث اليوم عن حكاية مبسطة وقصيرة ل تاريخ مصر إلى الأن مرورا بكل العصور بترتيب العصور بداية من عصر ما قبل التاريخ ونهاية بجمهورية مصر العربية.

تاريخ مصر


1- عصر ما قبل التاريخ

5000 سنة قبل الميلاد .ناس بتزرع جمب النيل وبعدين حصل شوية تنظيم واتكونت مملكتين منفصلين مملكة فى الجنوب ومملكة فى الشمال فلاحين وصعايدة .

2- العصرالفرعونى

وبداية التاريخ 30 اسرة وإستمر حوالى 3000 سنة
* يبدأ بتوحيد مصر على يد الملك مينا. 
* الاهرامات التلاتة إتبنت فى الأسرة الرابعة.
* احتلال الهكسوس فى الاسرة 15واستمر حوالى 150 سنة إختلفت االأقوال عن أصل الهكسوس وموطنهم ولكن المؤكد إنهم احتلو مصر من ناحية الشرق وغالباً هما شوية صيع زى رجالة المارشال برعى فى فيلم شمس الزناتى إتلمو من اماكن متفرقة.
* نهاية إحتلال الهكسوس على يد احمس وبعد هزيمتهم إختفوا تماما من العالم.
* الأسرة رقم 18 هي أهم أسرة في الفراعنة.. وأشهر ملوك الفراعنة منها وأثناء حكمها إتبنت معظم المعابد المشهورة الأن وحدود مصر توسعت وقتها لتشمل الشام والعراق وليبيا والسودان والدنيا فضلت حلوة فى الأسرتين اللى بعدهم كمان يعنى حوالى 500سنة.
* الاسرة رقم 19 محاولة إحتلال الحيثيين لمصر وهزيمتهم على يد رمسيس الثانى (اخرعاصمة للحيثيين موقعهاالان فى سوريا وكان ليهم عاصمة قبلها موقعها الان فى تركيا.
* الاحتلال الاشورى(العراق).نينوى عاصمة الاشوريين موقعها الان فى العراق. 
* الاحتلال الفارسى (ايران ) ميديا او (المدائن) عاصمة الفرس موقعها الأن فى ايران.
الاحتلالين الاشورى والفارسى كانوا على شكل هجمات متتالية خلال فترة حكم الأسرات العشرة الأخيرة للفراعنة والفراعنة كانوا على مدار 700 سنة بيتهزموا ويحتلوا ويتحرروا وهكذا شوية احتلال وشوية استقلال.
* نخت أنبو التانى (نكتنابو) هو اخر فراعنة الاسرة 30. 
الفرس سيطروا تماما علي مصر وكملوا العد علي التاريخ الفرعوني و عملوا الاسرة 31.

3- العصرالاغريقى

( اليونان) استمر حوالى 500 سنة.
* يبدأ بغزو الإسكندر الأكبر لمصر وكانت وقتها مصر تحت الإحتلال الايرانى فأصبحت تحت الاحتلال اليونانى. 
*إستقل بطليموس الاول بمصر عن الدولة اليونانية وأقام دولة البطالمة يعنى مصر دولة مستقلة عن اليونان لكن حكامها يونانيين. 
* كليوباترا اخر ملوك العصر اليونانى. 
* فى 3 معلومات عن كليوباترا الامر بيختلط علينا فيهم
- كليوباترا مش فراعنة  كليوباترا يونانية الممثلات اللى بتعمل دورها فى السينما بيلبسوا فرعونى وتماثيلها شكلها فرعونى عشان اليونانيين لما حكموا مصر كانوا بيلبسو فرعونى.
- كليوباترا إسمها كليوباترا السابعة وفى قبلها 6 كليوباترا حكموا مصر وهى مش مجرد واحدة حلوة ليها قصة حب مشهورة فى التاريخ كليوباترا ملكة وقائدة جيش.
- كليوباترا مش خليط من أجود الادخنة العالمية زى ما مكتوب على العلبة كليوباترا اسوء نوع سجاير على كوكب الارض.

4- العصرالرومانى 

(ايطاليا) استمر حوالى 300 سنة 
* بدأ بإستيلاء أوكتافيانوس قيصرالروم على مصر(قيصر = ملك روما عاصمة ايطاليا الان) وانتهى بتقسيم الامبراطريةالرومانية.

5- العصرالرومانى

(تركيا) استمر حوالى 400 سنة
* الإمبراطورية الرومانية نفسها اتقسمت إلى دولتين : غربية عاصمتها انتقلت من روما الى ميديولانوم(ميلانو) ايطاليا ، وشرقية عاصمتها القسطنطينية (اسطنبول) تركيا.
* أصبحت مصر من نصيب الدولة الرومانية الشرقية أو الدولة البيزنطية او دولة الروم وهى دى الدولة المذكورة فى القران.
* الروم المقصودين مكانهم مش دولة رومانيا الحالية لأن رومانيا إتكونت بعد كدة بكتير من اتحاد بقايا الروم مع شعوب اخري وايضا مكانهم مش روما في ايطاليا.. نقدر نسميهم مجازا تركيا عشان الموقع الجغرافى لعاصمتهم القديمة موجود دلوقتى فى تركيا.
* الاحتلال الفارسى(ايران)التانى بعد الاحتلال ايام الفراعنة واستمر المرة دى حوالى 10 سنين. 
* الروم طردوا الفرس والعودة تحت الحكم الرومانى (تركيا) 
* سيروس او (المقوقس) هو أخر حكام مصر فى العصر الرومانى (تركيا)

6- العصر الإسلامي  

* يبدأ بفتح عمرو بن العاص لمصر فتكون بذلك تابعة لحكم الخلافة الاسلامية وتتوالى فيه العهود. 
*عهد الخلفاء الراشدين إستمر حوالي 20 سنة. 
*عهد الخلافة الأموية إستمر حوالي 90 سنة. 
*عهد الخلافة العباسية وإستمر حوالى 750 سنة متقسمين كالتالى .
*ظلت مصر تابعة للخلافة العباسىة حوالى 120 قبل ان يبدأ بعض حكامها بالاستقلال بها. 
*الدولة الطولونية استمرت حوالى 40 سنة. 
*عادت مصر للخلافة العباسىة لفترة استمرت حوالى 30 سنة. 
*الدولة الإخشيدية واستمرت حوالى 35 سنة.
*الدولة الفاطمية واستمرت حوالى 200 سنة.
*الدولة الأيوبية واستمرت حوالى 80 سنة.
*الدولة المملوكية واستمرت حوالى 250 سنة. 
*عهد الخلافة العثمانية واستمر حوالى 300سنة مصر تابعة للخلافة العثمانية 
*الاحتلال الفرنسى واستمر حوالى 3 سنين فقط عشان كدة المؤرخين بيقولوا عليه حملة واستخسروا يقولوا عليه إحتلال انما هو كان احتلال عشان ما نتلخبطش فى الالفاظ والمصريين قاموا ضده بثورتين ورا بعض ثورة القاهرة الاولى وثورة القاهرة الثانية والثورتين ما نجحوش فى طرد الاحتلال الفرنسى الاحتلال الفرنسى إنسحب بمزاجة لأسباب خارجية بعد ثورة القاهرة الثانية بحوالى سنة. 
*عهد أسرة محمد على واستمر حوالى 150سنة.
*بدأ باستقلال محمد على بمصر عن الخلافة العثمانية .
* حفر قناة السويس.
* دخول الإنجليز مصر فى عهد الخديوى توفيق. 
*الإحتلال الإنجليزى إستمر حوالى 70 سنة.
*جلاء الإنجليز وطرد الملك فاروق أخر حكام اسرة محمد على.
*عهد الجمهورية.
* الفترة بين أخر فراعنة مصر(حاكم مصرى) وبداية عهد الجمهورية (حاكم مصرى) 2295 سنة..
هل اعجبك الموضوع :
نهتم بمواضيع مصر التاريخية لكل العصور القديمة والحديثة.

تعليقات

3 تعليقات
إرسال تعليق
  1. يجب زيادة المساحة عن تاريخ مصر في العصر الحديت

    ردحذف
    الردود
    1. هذة المقالة هي فقط عبارة نبذة مختصرة ولكن تابعنا ليصلك كل جديد بترتيب الاحداث التاريخية

      حذف

إرسال تعليق